Торгу шилип аарының кол дүрүмнери :
- Торгунуң чуга, чуга эвезин тудуп көөр, чуга чындыргай торгу дааратынмас, дүрүжүп туруп бээр берге.
- Торгунуң хээлерин кичээнгейлиг көөр, шала бичежек хээлер бар болза 5метр торгу тонга чедер, а хээзи улуг аяк дег болза 6 метрден ыңай алыр.
- Торгунуң хээлеринден аңгы дөжээ көзүлбес хээлер азы чуруктар-биле даарап каан болза эки, ындыг торгу белен дытпарланмас, а дөжээ чурук чок анаа дески болза дытпарланыр боор чүве
- Торгуну шилиирде хар-назыныңар барымдаалай алыр херек - бичии улуска чаа өң кирип чоруур өңнер алыр. Чижээ ак-көк, ягаан, өкпең дээн ышкаш өңгүр эвес өңнер алыр. Ол дээрге чуртталгазы чаа эгелеп турар, чаш деп демдек көргүзүп турар.
- А шору апарып, кыс кижи ашакка баар, эр оол кадайланыр үези улус чиңгир өңнер алыр. Ол дээрге чиңгир көк, кып кызыл, сап сарыг дээш баар. Чуртталгазы саглаңдырып кидин түлүк энергия үези аныяк, хып дээн үезин айтып турар
- А шору улгадып,оожургап эгелээш шала кара өң холумактыг оожум өңнерлиг торгу шилиир. Бордо, кара көк, хүрең дээн чижектиг
- Кара өңнү колдуунда амыдыралда онза чедиишкиннер, ачы-хавыяа, шаңнал-макталдар чедип, дарга-бошка апарза кедер чораан. Кижиниң статустуун илередир өң кара өң
- Эдектиг тонну кудазының хүнүнден эгелеп кедер болганда чиңгир кызыл өң-биле даараар чораан. Чүге дизе кызыл өң херээжен кижиниң өңү, үре-салгалдыын, бай-шыдалдыын илередир өң кызыл өң турган.
Ынчаар өгбелер кедип чораанын эдерип, олар дег торгунуң өңүн хар-назын, статус дүүштүр бодамчалыг садып аарыңарны сүмеледим.
