Быштак. Ону кылырда, хөй үе хереглеттинмес. Чүгле сүт, таарга аксып каан божа сарыг-суу херек. Баштай сүттү улуг эвес отка элээн чылдып алыр. Ооң соонда белеткеп алган сарыг-суун ооң кырынче кудар, хымыш-биле чаңгыс аай талаже оожум шимчедир, ылгалып келген сарыг-суун демир-хууңче ылгап кудар.
Кажан паш дүвүнге быштак ылгалып артарга, ону паштың дүвүнге хымыш-биле долгандыра аарак нугуй идер. Бо өйде отту бичии чээрген-биле өөскүдүп алыр. Кажан быштактың ак сарыг-суун сыскап турарга, быштак паш дүвүнге болгаш хымышка чышпына аарак шөйлуп эгелей бээрге, ону хымышка эзип алыр. Паш дүвүнге бичии мызыладыр хайындырыпкан соонда быштак үзүлбес, чымчак болур. Эскен дораан чип болур. Ону чиңге ыяшка шөйүп ап болур.
Шөйген азы базырган быштак белен черле үрелбес. Кажан быштакты ыяшка шөйуп турда, изиг быштак кижиниң салааларын чивезин дээш, баш бурунгар белеткеп алганы соок сугга салааларын суп каап олурары чугула.
1 демир-хууң (7-8 литр) сүтке 3 литр хире сарыг-суг херек, оон 2,5 азы 3 кг быштакты ап болур. Сарыг-сугну көвүдедир болза, быштак ажыг болур, ынчангаш сарыг-сугну өйлеп кудар.
https://vk.com/wall-132749777_7952
